पिलणकर कुटुंबीयांच्या बाप्पाचे माजी आमदार बाळ माने यांनी घेतले दर्शन

रत्नागिरी-  गणेशोत्सवाच्या पवित्र आणि मंगलमय वातावरणात माजी आमदार बाळ माने यांनी पिलणकर कुटुंबीयांच्या निवासस्थानी सदिच्छा भेट देत श्री गणरायाचे मनोभावे दर्शन घेतले. कोमल पिलणकर आणि दुर्गेश पिलणकर यांच्या निवासस्थानी झालेल्या या भेटीप्रसंगी बाप्पाचे आशीर्वाद घेत माने यांनी पिलणकर कुटुंबीयांशी आपुलकीने संवाद साधला.

या वेळी पिलणकर कुटुंबीयांच्या वतीने बाळ माने यांचे स्वागत करण्यात आले. गणरायाच्या दर्शनाच्या निमित्ताने कुटुंबात आनंदाचे आणि उत्साहाचे वातावरण निर्माण झाले होते.

या प्रसंगी राजेश पिलणकर, एकनाथ पिलणकर, हर्षदा पिलणकर, रिया पिलणकर, स्वाती पिलणकर, चंदना पिलणकर यांच्यासह पिलणकर परिवारातील सदस्य उपस्थित होते.

गणरायाच्या सान्निध्यात सर्वांनी परस्परांशी आपुलकीने संवाद साधत गणेशोत्सवाच्या शुभेच्छांची देवाणघेवाण केली. बाप्पाच्या कृपेने सर्वांच्या जीवनात सुख, शांती, समृद्धी आणि उत्तम आरोग्य नांदावे, अशी प्रार्थना यावेळी करण्यात आली. गणरायाच्या भक्तीमय वातावरणात झालेली ही सदिच्छा भेट उपस्थितांसाठी आनंददायी आणि स्मरणीय ठरली.

कोकण ऑनलाईन

19/09/2026