दहा वर्षांचा आशा आणि उपचारांचा प्रवास : फिनोलेक्स इंडस्ट्रीज आणि मुकुल माधव फाउंडेशन यांचे मिशन सेरेब्रल पाल्सी पुन्हा रत्नागिरीमध्ये

रत्नागिरी — सातारा जिल्ह्यातील यशस्वी सेरेब्रल पाल्सी कॅम्पनंतर, फिनोलेक्स इंडस्ट्रीज लिमिटेड (FIL) आणि त्यांच्या कॉर्पोरेट सामाजिक उत्तरदायित्व (CSR) भागीदार मुकुल माधव फाउंडेशन (MMF) यांचा दहा वर्षांचा करुणेचा आणि सेवाभावाचा प्रवास रत्नागिरी जिल्ह्यात सुरू राहतो आहे. १० ते १२ ऑक्टोबर २०२५ दरम्यान फिनोलेक्स कॉलनी, झाडगाव, रत्नागिरी येथे तीन दिवसीय सेरेब्रल पाल्सी मूल्यांकन व जनजागृती शिबिराचे आयोजन करण्यात आले आहे.

२०१५ मध्ये एका साध्या व्हीलचेअर वाटप उपक्रमापासून सुरू झालेली ही वाटचाल, आज भारतातील एक अत्यंत प्रभावी CSR आरोग्य कार्यक्रम ठरली असून, महाराष्ट्रातील सातारा आणि रत्नागिरी, गोव्यातील पोर्वोरिम आणि गुजरातमधील मसार येथे जवळपास १००० मुलांचे व त्यांच्या कुटुंबांचे आयुष्य बदलण्यात या उपक्रमाने यश मिळवले आहे.

ग्रामीण महाराष्ट्रात आशा आणि गतिशीलतेची नवी पहाट

फिनोलेक्स इंडस्ट्रीज आणि मुकुल माधव फाउंडेशन यांनी सातारा आणि रत्नागिरी जिल्हा परिषदा, आरोग्य विभाग, व स्थानिक वैद्यकीय तज्ञांच्या सहकार्याने, सेरेब्रल पाल्सी असलेल्या मुलांना सातत्यपूर्ण आणि गुणवत्तापूर्ण आरोग्य सेवा मिळवून देण्यासाठी २०१५ पासून अथक परिश्रम घेतले आहेत.

साहाय्यक उपकरणे, फिजिओथेरपी, शस्त्रक्रिया सहाय्य, व पुनर्वसन केंद्रांची उभारणी या माध्यमातून या भागातील शेकडो कुटुंबांना आशा, मदत आणि चांगल्या जीवनाची दिशा मिळाली आहे.

रत्नागिरीतील चालू शिबिरात पुणे व चिपळूण येथील नामवंत रुग्णालयांचे (सांचेटी हॉस्पिटल, भारती हॉस्पिटल, KEM हॉस्पिटल, HV देसाई हॉस्पिटल आणि वाळवळकर हॉस्पिटल) तज्ञ मुलांचे वैद्यकीय आणि थेरपी मूल्यांकन करत आहेत. तसेच कुटुंबांना घरगुती उपचार, पोषण आणि दीर्घकालीन पुनर्वसन याविषयी मार्गदर्शन केले जात आहे.

सातारा कॅम्पचे यशस्वी आयोजन

दहा वर्षांचा उत्सव सातारा जिल्ह्यातील तीन शिबिरांनी सुरू झाला.

२५ सप्टेंबर – सातारा,२६ सप्टेंबर – वडूज,२७ सप्टेंबर – वाई

या शिबिरांत ३९७ मुलांची तपासणी बालरोग तज्ज्ञ, ऑर्थोपेडिक डॉक्टर, आणि थेरपिस्ट यांच्याकडून करण्यात आली. पालकांना पोषण, मानसिक आरोग्य, आणि थेरपी याबाबत सखोल सल्ला देण्यात आला. जिल्हा प्रशासन, शैक्षणिक व आरोग्य विभागांनी पुढील उपचारांसाठी रिफरल नेटवर्क अधिक मजबूत केले.

२५ सप्टेंबर रोजी साताऱ्यात आयोजित केलेल्या विशेष स्नेहमेळाव्यात, जिल्हाधिकारी कार्यालय, जिल्हा परिषदेचे अधिकारी, आरोग्य अधिकारी, शैक्षणिक अधिकारी, फिनोलेक्स इंडस्ट्रीज व एमएमएफ टीम एकत्र आले होते. या दशकपूर्ती सोहळ्यात सहकार्य आणि सामूहिक प्रयत्नांचा गौरव करण्यात आला.

महाराष्ट्राच्या मुख्यमंत्री यांची विशेष प्रशंसा

मिशन सेरेब्रल पाल्सी उपक्रमाची दखल मा. मुख्यमंत्री, महाराष्ट्र राज्य यांनी घेतली असून, फिनोलेक्स इंडस्ट्रीज व मुकुल माधव फाउंडेशन यांच्या ग्रामीण भागातील सेरेब्रल पाल्सी मुलांसाठीच्या सातत्यपूर्ण प्रयत्नांचे कौतुक त्यांनी केले आहे.

मुख्यमंत्र्यांनी सातारा व रत्नागिरी जिल्हा परिषदांच्या जमीनीवरील योगदानाबद्दल व सातत्यपूर्ण सहकार्याबद्दल आभार मानले आहेत.

मिशन सेरेब्रल पाल्सी – दहा वर्षांची महत्त्वाची टप्पे

२५+ वैद्यकीय शिबिरे सातारा, रत्नागिरी (महाराष्ट्र), पोर्वोरिम (गोवा), व मसार (गुजरात) येथे

९ पुनर्वसन केंद्रांची स्थापना (फिजिओथेरपी, ऑक्युपेशनल व स्पीच थेरपी सेवा)

१,३००+ आशा व ANM कार्यकर्त्यांना गर्भवती काळ, लवकर निदान व सुरक्षित प्रसूतीसाठी प्रशिक्षण (सिंबायोसिस कॉलेज ऑफ नर्सिंगच्या सहाय्याने)

२५० शिक्षक व ५० डॉक्टरांना लवकर निदानविषयी प्रशिक्षण (रॉयल कॉलेज ऑफ पेडियाट्रिक्स, लंडनच्या कार्यशाळांद्वारे)

७५ सुधारात्मक शस्त्रक्रिया, १९८ ऑर्थोटिक डिव्हाइसेस, वॉकर आणि व्हीलचेअर्स वाटप

सेंस इंटरनॅशनल NGO चा सहभाग – बहु अपंग मुलांसाठी मोडिफाइड व्हीलचेअर्स

महामारी दरम्यान व्हॉट्सअ‍ॅप व टीव्हीवर ऑनलाईन थेरपी, योगा व मानसिक आरोग्य सत्रे (RK टेलिव्हिजन, रत्नागिरीच्या सहाय्याने)

१५० डॉक्टरांसाठी CME कार्यशाळा (IMA च्या सहकार्याने रत्नागिरी, २०१८)

पालक व अपंग युवकांसाठी उदरनिर्वाह प्रशिक्षण आणि सूक्ष्म उद्योग उपक्रम

एकत्र येण्याचा सोहळा — रत्नागिरी, १० ऑक्टोबर २०२५

१० ऑक्टोबर रोजी रत्नागिरीत दशकपूर्ती सोहळा व स्नेहभोजनाचे आयोजन करण्यात आले आहे. सहभागी अधिकारी आणि पाहुण्यांमध्ये:CEO, जिल्हा परिषद रत्नागिरी, जिल्हा आरोग्य अधिकारी, शिक्षण विभागाचे अधिकारी, RBSK व समग्र शिक्षा अभियान प्रतिनिधी, डॉ. संदीप पटवर्धन, ऑर्थोपेडिक सर्जन, सांचेटी हॉस्पिटल, पुणे,डॉ. लीना श्रीवास्तव, न्यूरो डेव्हलपमेंट स्पेशालिस्ट, भारती हॉस्पिटल, पुणे,डॉ. अभिजित बोत्रे, न्युरॉलॉजिस्ट, KEM हॉस्पिटल, पुणे,डॉक्टर व थेरपिस्ट – भारती विद्यापीठ, HV देसाई हॉस्पिटल, सांचेटी हॉस्पिटल, वाळवळकर हॉस्पिटल,फिनोलेक्स इंडस्ट्रीज व मुकुल माधव फाउंडेशनचे प्रतिनिधी. हा सोहळा गेल्या दहा वर्षांत निर्माण झालेल्या सहकार्य, करुणा आणि समावेशकतेचा सन्मान करण्यासाठी एक महत्त्वपूर्ण क्षण असेल.

पुढच्या दशकाचे उद्दिष्ट

फिनोलेक्स इंडस्ट्रीज व मुकुल माधव फाउंडेशन यांचे पुढील टप्प्यातील उद्दिष्ट:

पुनर्वसन केंद्रे सातारा व रत्नागिरीतील अधिक तालुक्यांमध्ये विस्तारित करणे

गरोदर मातांसाठी व बालसंगोपनासाठी लवकर हस्तक्षेप बळकट करणे

डिजिटल व घरगुती थेरपीसाठी अधिक पर्याय उपलब्ध करून देणे. समावेशक समाजनिर्मितीला प्रोत्साहन देणे.

“मिशन सेरेब्रल पाल्सी हा केवळ आरोग्य उपक्रम नाही — तो करुणेचा आणि सक्षमतेचा एक सामाजिक चळवळ आहे,” असे मुकुल माधव फाउंडेशनच्या विश्वस्त सौ. ऋतु प्रकाश छाब्रिया यांनी सांगितले.

“मा. मुख्यमंत्री व जिल्हा परिषदांच्या सातत्यपूर्ण पाठबळाबद्दल आम्ही अत्यंत आभारी आहोत.

कोकण ऑनलाईन रत्नागिरी